ဘာသာစကားတစ်ခုကိုသေချာတက်မြောက်ဖို့ မဖြစ်မနေလုပ်ပေးရမယ့်အရာ ၅ မျိုး

ဘာသာစကားတစ်ခုကိုသေချာတက်မြောက်ဖို့ မဖြစ်မနေလုပ်ပေးရမယ့်အရာ ၅ မျိုး

ဘာသာစကားဆိုတာမျိုးက ကိုယ်လေ့လာရင် လေ့လာသလောက် တိုးတက်လာမယ့် ပညာရပ်တစ်ခုပါ။ ဘယ်လောက်ပဲကောင်းတဲ့ သင်တန်းတွေတက်တက် ကိုယ့်ဘက်က အားထုတ်မှုမရှိရင် တိုးတက်မလာပါဘူး။ ဒါကြောင့် ဘာသာစကားတစ်ခုကို သေချာတက်မြောက်ဖို့ဆိုရင် ဒီ ၅ မျိုးကို မဖြစ်မနေလုပ်ပေးဖို့ လိုပါတယ်။ သင်တန်းမတက်နိုင်တဲ့သူတွေဆိုလည်း ဒီ ၅ မျိုးနဲ့တင် ဘာသာစကားတစ်ခုကို လေ့လာတက်မြောက်နိုင်ပါတယ်။

1.ရုပ်ရှင်ကြည့်ပါ
ကိုယ်လေ့လာနေတဲ့ ဘာသာစကားနဲ့ပတ်သက်တဲ့ ဇာတ်ကားတွေကို များများကြည့်ပါ။ နေ့တိုင်းကြည့်ပါ။ မြန်မာစာတန်းထိုးကို မကြည့်ပါနဲ့။ မသိရင် Google တို့ Dictionary မှာ ရှာပြီး ဘာသာပြန်ကြည့်ပါ။ သေချာပေါက် တိုးတက်လာပါလိမ့်မယ်။

2.သီချင်းနားထောင်ပါ
ကိုယ်လေ့လာနေတဲ့ဘာသာစကားက အင်္ဂလိပ်စာဆိုရင် အင်္ဂလိပ်သီချင်းတွေပဲ နားထောင်ပါ။ ဂျပန်စာလေ့လာနေရင် ဂျပန်သီချင်းတွေပဲ အမြဲနေ့တိုင်း နားထောင်ပါ။ နားယဉ်ပြီး စကားပြောတာပါ တိုးတက်လာပါလိမ့်မယ်။

3.စာအုပ်ဖတ်ပါ
အင်္ဂလိပ်စာလေ့လာရင် အင်္ဂလိပ်စာအုပ်တွေဝယ်ဖတ်၊ သတင်းစာတွေဖတ်၊ ပုံပြင်တွေဖတ်ပါ။ ဂျပန်စာ၊ တရုတ်စာလေ့လာနေရင်လည်း ဒါနဲ့သက်ဆိုင်တဲ့စာအုပ်တွေကို ဝယ်ဖတ်ပါ။ တစ်အုပ်ကိုပဲ သေချာနောကျေအောင်ဖတ်ပြီး အရင်လေ့လာပါ။ အဖတ်စွမ်းရည်နဲ့ အရေးစွမ်းရည် တိုးတက်လာပါလိမ့်မယ်။

4.စကားပြောလေ့ကျင့်ပါ
ကိုယ်လေ့လာနေတဲ့ဘာသာစကား ကိုယ်တက်နေတဲ့ဘာသာစကားနဲ့ပဲ စကားပြောပါ။ တူတူလေ့လာနေတဲ့သူငယ်ချင်းတွေနဲ့ အမြဲပြောပါ။ ပြောစရာလူမရှိရင် မှန်ရှေ့မှာ တစ်ယောက်ထဲပြောပြီး လေ့ကျင့်ပါ။ သူတို့ရဲ့လေယူလေသိမ်းအတိုင်း ပြောတက်လာအောင် အသံကျယ်ကျယ်နဲ့လေ့ကျင့်ပါ။ သေချာပေါက် အပြောစွမ်းရည် တိုးတက်လာပါလိမ့်မယ်။

5.အင်တာနက်ကနေလေ့လာပါ
အင်တာနက်မှာ မျိုးစုံသိချင်တာကို လေ့လာလို့ရပါတယ်။ ဒီတော့ အင်တာနက်မှာ ကိုယ်လေ့လာနေတဲ့ ဘာသာစကားနဲ့ပတ်သက်တာတွေကို လေ့လာပါ။ အင်တာနက်ကနေ အစီအစဉ်တွေကြည့်တာမျိုးနဲ့လည်း လေ့လာလို့ရပါတယ်။

Crd